Con un seis y un cuatro, aquí tienes tu retrato, dio espainolez marrazkilari hasiberrien aforismo batek. Filosofia merke berdinarekin epaitu lezake baten batek Burlatako Kultur Etxeko goiko logotipo hau. Nik, bere egile bezala, zerbait esan beharko nuke.
Sinplea dela bistan dago, ez dut horrekin ezer deskubrituko. Eta bere sinpletasun horretaz harro nago. Oteizari begira egin nuen Kultur Etxeko eraikinaren silueta, ahalik eta marra gutxienekin irudikatzeko.
Tipografiak ere ez du zarata gehiegirik egiten. American Typewriter izenekoa erabili nuen, eta elebitasunaren afera konpontzeko, gaztelerazko izenerako bertsio arrunta hautatu nuen, beltzean; euskarazkoa aldiz, Bold hizkiekin osatu nuen, baina grisean, batak besteak baino pisu gehiago duela inork esan ez zezan. Lodia argiagoa da eta fina, berriz, ilunagoa. Konponbide bera gehiagotan erabili izan dut, eta zuzena iruditzen zait.
Iruzkinak. Bota hemen zurea:
Anda!!
ErantzunEzabatuNik ez nekien zurea zela...Ni burlatarra naiz, nahiz eta orain Iruñean bizi, eta logo hori gustatu egin zait ikusi nuen lehendabiziko unetik.
ZORIONAK!!!!