Sácame a la luz

La bandera vasca, la ikurriña, vista por Mikel Taberna. En este texto hablaba de tiempos en los que fue ilegal, para acercarnos a legalidades que la siguen demonizando.

Atera nazazu lurpetik

Mikel Taberna

Ez dut uste etxekoak banderazaleak zirenik. Nik, behinik behin, ez dut gogoan inoren aldeko oihalik ikusirik, ez agerian, ez gordean. Ezta Manuel Fraga pareko kanpina inauguratzera etorri zelarik ere, orduko Información y Turismoko ministroa baitzen. Oroitzen zara nola eman ziguten besta eskolan? Nola tapatu zituzten bideko lohia eta putzuak harri kozkorrez? Egun hartan ere ez dut uste balkoian halako deus bazenik.

Ezagutu bai, ezagutzen genuen. Ezagutarazia, segur aski. Haur denboraz ari naiz. Eskolan eta, guardia zibilen kuartelean eta, Herriko Etxean eta, elizako prozesioetan eta… Horietan denetan agertuko zen, gehixeago-guttixeago, bandera hori-gorria. Normal bezala hartzen izanen genuen. Inork ez zigun erran bertzerik bazenik.

Ikurrina hitza ez zegoen gure hiztegian.