Marrazki friki hau duela urteak egin nuen. Oker ez banago, hurbileko merkataritzari buruzko artikulu baterako (betiko auzoko dendei buruz, alegia). Ez dut oso ongi gogoratzen zein zen gaia. Edonola ere, munstroari pertsonak zerbitzatzen dizkion Yolandak irakurketa ugari eta oso aproposak izan ditzake gaur ere.
Demagun adibidez, Jabba the Hutt honek Volkswagen irudikatzen duela –bere momentuan hiruki berdearen saltoki handia izango zen, seguruenik– eta neska lirainak langileak eskaintzen dizkiola, gupidarik gabe txikitzeko eta ipurtzulotik ateratzeko. Edo agian on Mariano izan daiteke, batek daki, eta hiritar arruntak –edo nafar vascoak izan daitezke, erronkarikoak eta komunitate osokoak– eskaintzen dizkionak.
Zerorrek erabaki zer esan nahi duen.
