Oso bertsolari ezaguna Euskal Herria osoan. Urepelen (Nafarroa Beherean) jaio zen 1920. urtean. Bera jaio zeneko Xalbadorenea baserritik hartu zuen ezizena. 1976. urtean hil zen.
Hernandorena sendagileak Donibane Lohizunen antolatu zuen txapelketan ezagutu zuen beti adiskide eta plaza-lagun izanen zuen Mattin paregabea. Egun gogoangarri haren ondoren, eta artzain lanak ahalbidetu zion oro, hainbat lekutan jardun zuen, Lapurdi eta Nafarroan zehar ibili zen Mattinekin batera, eta Zuberoan Etxahun-Irurirekin. Xalbadorrek ez zeukan parekorik sentimenduak adierazi edo kontakizunak azaltzeko. Odolaren mintzoa bere liburuan, Xalbadorren egiazko aurpegia osorik erakusten duten bertsoak aurki ditzakegu, azterketa soziolinguistikotik harantz doan balioa duten bertsoak, alegia.
Iruzkinak. Bota hemen zurea:
0 iruzkin. Gehitu zurea:
Argitaratu iruzkina