Mikelek esan zidan behin, Cernuda aipatuz, desioa eta errealitatea desberdintzen ikasi behar nuela. Egia esan, ez dut gogoratzen aipuaren zergatia, baina horrez geroztik sarritan etorri zait burura. Nolabaiteko statusa mantendu nahian, edo erakutsi nahian, erakusleihoen azoka honetan gero eta herritar gehiagok zorpetzen du bere burua amaigabeko kredituekin. Eta ez naiz etxebizitzaz edo autoaz ari. Oporrak (luzeak zein motzak), ospakizunak (ezkontzak zein hiletak) eta kolore desberdinetako kapritxoek osatuko lukete zerrenda luze bat.
Lehentasun arazoa da. Begietatik sartu diguten bizimodu bati jarraituz edozein astakeria egiteko prest gaude. Eta pertsonekin gertatzen den bezala gertatzen da zinearen industrian.
