Iruñean jaio zen 1915ean eta hiri berean hil zen 1988an. Iruñeko Caja de Ahorros Municipaleko zuzendari (1953-1982). Bere hiriko alkate (1957-1964). Foru Diputatu karguan lan handia egin zuen Nafarroako industrializazioaren alde. Gorteetako Prokuradore. Lan handia egin zuen Nafarroako kulturaren sustatzaile eta publizista gisa, betiere euskal nazionalismoaren ildotik hurbil. Euskaltzain urgazlea. Hainbat lan idatzi zituen, haien artean aipatzekoak: Los Sanfermines, los Gigantes de Pamplona, Crónica de los Sanfermines eta las Memorias de mis tres años. Zaletasun artistiko handikoa izaki, sentsibilitate fineko marrazki, pintura eta akuarela erakusketak egin zituen. Caja de Ahorros Municipaleko zuzendari zela antolatu ziren “Navarra”, “Arga” eta “Xalbador”, euskarazko eta erdarazko nobela laburreko eta poesiako sari literarioak.
