Ekonomilaria. Donezteben jaio zen 1670ean eta Madrilen hil zen 1732an. Ekonomia alorreko kargu publiko garrantzitsuak izan zituen: Merkataritza Batzordeko idazkaria, Merkataritza eta Moneta Batzordeko ministroa eta Ekonomiako Liburuen zentsuratzailea. Bere ideia ekonomiko eta merkantilistak Teoría y Práctica de Comercio y de Marina lanean eman zituen ezagutzera. Adimen handiz aztertu zuen Espainiako itsas industria eta berak Merkataritza erabilgarria deitzen zuenaren sustapena proposatu zuen, esportazioak inportazioak baino handiagoak zireneko merkataritza jarduerak, alegia.
