Militarra, historiagilea, geografoa eta publizista. Toledon jaio zen 1858. urtean. Iruñean hil zen 1935. urtean. 1887. eta 1891. urteen bitartean Avilako Akademian irakasle izan zen eta Dibisioko Intendente Nagusi gradua eskuratu zuen. Bizitzaren parterik handiena Iruñean eman zuen eta han ikerketa lan ugari egin zituen. Nafarroako Monumentu Historiko eta Artistikoen Batzordeko kidea izan zen. San Fernando Historia eta Arte Ederretako Akademiako kide izan zen, eta geroago, Zientzia eta Arteen Akademia Hispano-Amerikarrekoa. Eusko Ikaskuntzaren II. Biltzarrean idazkari izan zen.
