“Doctor Navarro”, legelari eta teologoa, ospetsu egin zen Europan irakaskuntzaren alorrean eta letren eta zuzenbide kanonikoaren alorretan egindako lan garrantzitsuagatik. Barasoainen jaio zen 1492an eta Erroman zendu zen 1586. urtean. San Agustinen ordenako erregelapeko kalonjea zen Orreagan eta handik ihes egin zuen Fernando Katolikoak Nafarroaren konkista egin zuenean. Berriz itzuli zen Nafarroara 1523. urtean. Salamancako eta Coimbrako Unibertsitateetan katedraduna izan zen. Geroago, Pio V., Gregorio XIII. eta Sixto V. Aita Santuen aholkulari izendatu zuten. Felipe II. ak eragotzi zuen kardinal izenda zitzaten. Zuzenbide kanonikoari buruzko hainbat liburu utzi zituen. Lan garrantzitsuak izan ziren: Comentario Resolutorio de Usuras, Manual de Confesores y Penitentes, De Reditibus Eclesiasticis, e. a.
