Kapera maisua eta konpositorea. Burlatan jaio zen 1807an eta Madrilen hil zen 1878an. Oso txikitan artzaina, Iruñeko Katedraleko Infanteen ikastegian sartu zen 8 urte zituela eta, han, musikarako gaitasun berezia erakutsi zuen berehala eta lan txikiak konposatzen eta organoa eta biolina nahiko ongi jotzen hasi zen. Geroago apaiz egin zen eta konpositore karreran jarraitu zuen. Bere lanen artean aipatzekoa da El Miserere, baita Las Treguas de Tolemaida, El Solitario eta Don Pedro el Cruel operak ere. Solfeoan ikasteko metodo oso bat, Lira Sacrohispana, Breve Memoria Histórica de los Organistas Españoles, e. a. argitaratu zituen. San Fernando Arte Ederretako Errege Akademiako kide eta Madrilgo Kontserbatorioko zuzendari izan zen.
